ՊՆ մամուլի խոսնակ Արծրուն Հովհաննիսյանը երեկ հրապարակեց ղարաբաղա-ադրբեջանական ճակատում վերսկսված ռազմական գործողությունների արդյունքում զոհված զինծառայողներիի տվյալներ: Նրանց թվում է նաև 1967թ. ծնված ազատամարտիկ Սարգիս Խալամյանը, ով ղարաբաղա-ադրբեջանական սահմանում իրադրության կտրուկ վատթարացումից հետո որպես կամավոր Երևանից մեկնել էր առաջնագիծ:
Նշենք, որ Խալաֆյանն ապրում էր Երևանում, ունի 2 դուստր և 2 որդի: Որդիներից մեկը հիմա ծառայության մեջ է և Սարգիսն առաջին հերթին սահման էր մեկնել հենց որդու և մյուս զինծառայողների կողքին լինելու համար: «Մեր 90 թվականի արածը կիսատա մնացել, եկել ենք դա վերջացնենք: Առաջինը եկել ենք մեր բալեքի կողքին լինենք», – «Արցախ» հեռուստաընկերության ասել էր ազատամարտիկը:
Խալաֆյանը զոհվել է ապրիլի 4-ին` արկի պայթյունից: Նրա հոգեհանգիստը տեղի կունենա 07.04.2016թ. ժամը 18: 00, հուղարկավորությունը`08.04.2016թ. ժամը 13:00, հասցե` ք.Երևան, Մալաթիա, Սբ.Աստվածածին եկեղեցի:
.gif)
