ՊԱՏԳԱՄԱՎՈՐՆԵՐԸ ՆՈՒՅՆԻՍԿ ՉԵՆ ՃԱՇԵԼ

Օգոստոսի 30-ին ՀՀ ԱԺ Ֆինանսավարկային եւ բյուջետային հարցերի մշտական հանձնաժողովը Ծաղկաձորի “Մարիոթ” հյուրանոցում արտագնա նիստ է անցկացրել: Նիստի օրակարգում, ըստ ԱԺ պաշտոնական կայքի, եղել է ընդամենը մեկ հարց` 2013 թվականի պետական բյուջեի առաջին կիսամյակի կատարման ընթացքի մասին տեղեկատվություն: Զեկուցողները եղել են ՀՀ ֆինանսների նախարար Դավիթ Սարգսյանն ու ՀՀ ֆինանսների նախարարի տեղակալ, գլխավոր գանձապետ Ատոմ Ջանջուղազյանը: “Ժողովուրդ”-ի լավատեղյակ աղբյուրները փոխանցում են, որ հանձնաժողովի ղեկավար, ԱԺ ՀՀԿ խմբակցության անդամ Գագիկ Մինասյանի գլխավորությամբ ԱԺ ՀՀԿ խմբակցության անդամներ Սամվել Նիկոյանը, Սուքիաս Ավետիսյանը եւ հանձնաժողովի մյուս անդամները ,բուռնե նիստ են անցկացրել: 

Մեր տեղեկություններով, պատգամավորները զվարճացել են հյուրանոցի լողավազանում, խմել եւ օգտվել հյուրանոցի բոլոր ,բարիքներիցե: Այս ,հույժ կարեւորե նիստի վերաբերյալ ,Ժողովուրդե-ը մի քանի հարց ուղղեց ԱԺ Ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանին:

-Ոչ միայն օգոստոսի 30-ին ենք եղել նիստի, այլ նաեւ 31-ին եւ սեպտեմբերի 1-ին: Շուրջ մեկ տարի առաջ մենք սկսեցինք համագործակցությունը գերմանական JIZ կազմակերպության հետ՝ նպատակ ունենալով ուժեղացնել ԱԺ վերահսկողական գործառույթները: Մեկ տարվա ընթացքում երեք ուղղություններով բավականին լուրջ աշխատանքներ կատարվեցին: Առաջինը՝ ՎՊ-ի գործառույթների հետ կապված. փաթեթով առաջարկվում է, որ խորհրդարանում քննարկվի ոչ միայն ՎՊ-ի տարեկան հաշվետվությունը, այլ նաեւ ընթացիկ հաշվետվությունները` վերահսկվող կառույցի ղեկավարի մասնակցությամբ: Երկրորդը ֆինանսների նախարարության հետ է կապված, եւ առաջարկվում է, որ խորհրդարանում քննարկման առարկա դառնան ոչ միայն բյուջեի տարեկան հաշվետվությունը, այլ նաեւ կատարողականի եռամսյակային հաշվետվությունները: Երրորդն էլ առաջարկում ենք ԱԺ-ում ստեղծել բյուջետային գրասենյակ, որը պետք է պատգամավորներին օժանդակի բյուջետային քննարկումների եւ բյուջեի վերահսկողության հարցերում: Անհրաժեշտություն առաջացավ շուրջ մեկ տարվա կատարված աշխատանքը ամփոփել, որպեսզի հնարավոր սեղմ ժամկետներում ներկայացվի օրենսդրական նախաձեռնություն: Փաթեթը բավականին ծավալուն է: Եվ, որպեսզի այս ամենը հնարավոր լիներ իրականացնել, մենք որոշեցինք, որ անհրաժեշտ է առանձնանալ եւ իրականացնել ինտենսիվ աշխատանք:

-Մենք խնդրեցինք, ու մեր գերմանական գործընկերները ֆինանսավորեցին մեր հանդիպումը: Շուրջ մեկ տարի է, ինչ մենք համագործակցում են գերմանական JIZ կազմակերպության հետ այս ծրագրի շրջանակներում, դա Գերմանիայի կառավարության միջազգային համագործակցության ընկերությունն է:

-Չէ, հիմարություն է. մեզ ոչ ոք չի կարող սենյակ չտրամադրել, հանձնաժողովն ունի իրեն կցված նիստերի սենյակ:

-Չէ, չէ, մենք այնտեղ չենք հանգստացել, երեւի դուք ուշադիր չէիք. մենք այնտեղ միայն աշխատել ենք: Ուրեմն, առաջին օրը մենք արել ենք երեք նիստ, իսկ այնուհետեւ 6 նիստ ենք ունեցել: Անգամ մի բան նշեմ, որ ավելի հստակ լինի. երբ ավտոբուսը կանգնած էր, որ մենք պետք է գայինք Երեւան, մենք դեռ նիստ էինք անում: Մենք այնտեղ ամբողջ օրը աշխատել ենք, քննարկումները շարունակվում էին նաեւ նիստերից հետո: Անգամ հրաժարվում էինք ճաշին ժամանակ տրամադրել:

-Ինձ համար ցավալի է, որ մեր կատարած աշխատանքին նման կերպ են արձագանքում: Եթե այն մյուս պատգամավորները կարողանան միջազգային կազմակերպությունների հետ ծրագրի շրջանակներում իրականացնել նման արդյունավետ աշխատանք ու նրանց ֆինասավորմամբ կարողանան ամփոփել իրենց նախագծերը Ծաղկաձորում, ապա բոլորի համար էլ շատ լավ կլինի: