Ինչպես արդեն հայտնել էինք, երեկ ապօրինի զենք և ռազմամթերք ձեռք բերելու, փոխադրելու և պահելու կասկածանքով ձերբակալվել է «Հիմնադիր խորհրդարանի» անդամ Ժիրայր Սէֆիլյանը: Վերջինս հարցաքննության ժամանակ օտվել է իր լռելու իրավունքից: Այս մասին ArmLur.am-ի հետ զրույցում նշեց Սէֆիլյանի պաշտպան Գևորգ Դավթյանը:
«Սէֆիլյանն օգտվել է լռելու իրավունքից: Ըստ էության ցուցմունք չի տվել, իսկ այդ դեպքի հետ կապված էլ առնչություն չունի: Ճիշտն ասած չեմ կարող ասել, թե հետագայում ինչ քայլեր են արվելու, սակայն պետք է վերականգնենք արդարությունը», – նշեց նա:
Պաշտպանը հավելեց, որ Ժիրայր Սէֆիլյանը նաև առերեսման է մասնակցել, սակայն նախաքննական գաղտնիությունից ելնելով այլ մանրամասներ չցանկացավ հրապարակել:
.gif)
