«Աշխատանքից ազատվելու դիմում գրելու պատճառը հոգնածությունն է: Մի քիչ էլ ես հանգստանամ, ի՞նչ է եղել: Մի քիչ հանգստանամ, էլի կաշխատեմ: Ես հիմա իմ այգին եմ մշակում: Գեւորգ Կոստանյանը ոչ մեկին չի ստիպում, ինձ, համենայնդեպս, չի ստիպել»:

Կարծես թե այն, որ Գ. Կոստանյանը չի վստահում Ա. Հովսեփյանի կադրերին ու դատախազության համակարգում կադրային լուրջ փոփոխություններ է իրականացնում, արդեն գաղտնիք չէ շատերի համար, ավելին, ակնհայտ է: Եվ Հայաստանի գլխավոր դատախազության կոռուպցիայի եւ կազմակերպված հանցագործությունների գործերով վարչության պետ Կորյուն Փիլոյանի` աշխատանքից ազատվելն այս համատեքստում լիովին տրամաբանական է: Այդուհանդերձ, հայաստանյան չինովնիկին հատուկ սովորության համաձայն` Փիլոյանը հավանաբար նույնպես վախենում է ճշմարտությունն ասելուց: Վախի մթնոլորտը բոլոր օղակներում է: