Ռիոյում ընթացող ամառային օլիմպիական խաղերի շրջանակներում ավարտվեց գերծանր քաշային ծանրորդների պայքարը։ Այս քաշային կարգում Հայաստանը ներկայացնում էին 26-ամյա Ռուբեն Ալեքսանյանը և 22-ամյա Գոռ Մինասյանը։ Մեր մասնակիցներից Գոռը հռչակվեց օլիմպիական խաղերի փոխչեմպիոն:
Համացանցում տարածվել են Օլիմպիական խաղերի փոխչեմպիոնի բնակարանի լուսանկարները: Դրանցում երևում է, թե ինչ վատ պայմաններում է ապրում մեր ծանրորդը:
ArmLur.am-ին Գյումրու քաղաքապետարնից հայտնեցին, որ քաղաքում շուրջ 3000 տնակ կա, որտեղ ապրում են ընտանիքներ, այդ թվում` Գոռի ընտանիքը:
«Քաղաքապետարանը միջոցներ կձռնարկի, տեսնենք` ինչով կկարողանանք օգնել»:
«Քաղաքապետը շատ անգամներ բարձրաձայնել է այս խնդիրը, տարբեր ծրագրեր նախաձեռնել, որպեսզի կարողանանք ինչ-որ կերպ լուծել: Քաղաքապետը տեղյակ է մարզիկի սոցիալական խնդրի մասին. ձեռնարկվում են միջոցներ»,- հավելեցին քաղաքապետարանից:
.gif)
