Ադրբեջանը կարող է հայտնվել Հակադոպինգային համաշխարհային գործակալության «սև ցուցակում»

Ադրբեջանը, Բրազիլիան և Գվատեմալան կարող են պաշտոնապես հայտարարվել Հակադոպինգային համաշխարհային գործակալության (WADA) պահանջներին չհամապատասխանող երկրներ: Այս մասին, ինչպես գրում են ադրբեջանական ԶԼՄ-ները, հայտարարվել է Մոնռեալում WADA-ի անկախ կոմիտեի նիստի ժամանաակ:

Insidethegames-ի փոխանցմամբ՝ Ադրբեջանը, Բրազիլիան և Գվատեմալան ներկա պահին չեն համապատասխանում 2015թ. WADA-ի կոդեքսին:

«Եթե այդ հարցերը չլուծվեն, ապա կոմիտեն այդ երկրները կներառի «սև ցուցակում»»,-ասվում է WADA-ի հաղորդագրության մեջ: