Դեռ այն ժամանակ Վազգենն ասում էր`տղե´ք, վերցնում ենք նաև այս շրջանը, որ վաղը հետները բանակցությունների մեջ մտնենք. Ռուստամ Գասպարյան (տեսանյութ)

Տարածքների հետ կապված հանձնելու կամ չհանձնելու խնդիր չկա մեր դեմ դրված, չկա նման բան, հակառակը, այսօր ավելի ամրապնդում ենք դիրքերը:

ArmLur.am-ի հետ զրույցում այս մասին նշեց ԱԺ պատգամավոր Ռուստամ Գասպարյանը: «Այսօր մեր բանակն ամուր կանգնած է իր դիրքերում և պահում է: Եթե մեկ անգամ էլ Ադրբեջանը փորձի, արդեն լուրջ հակահարված կստանա և կարող է նույնիսկ տարածքներ զիջել», – հավելեց պատգամավորը:

Գասպարյանը նշեց, որ գեթ մեկ տարածք զիջելու մասին կարելի է խոսել միայն այն դեպքում, եթե Ադրբեջանը ճանաչի ԼՂՀ անկախությունը: «Դեռ այն ժամանակ Վազգենն ասում էր`տղե´ք, վերցնում ենք նաև այս շրջանը, որ վաղը հետները բանակցությունների մեջ մտնենք: Ճանաչեն անկախությունը. մենք հնարավոր է ինչ-որ տեղ ինչ-որ բան զիջենք», – հավելեց նա:

Մանրամասները` ArmLur.am-ի տեսանյութում:

Նաիրա Հովհաննիսյան, Հովսեփ Հովսեփյան