Արթուրի առողջական վիճակն անհամատեղելի է կալանքի հետ. փաստաբան

Այսօր ՀՀ քննչական կոմիտեի մամուլի ծառայությունը հաղորդագրություն էր տարածել, որում ասվում էր, որ «Սասնա ծռեր» խմբին հաց հասցնող Արթուր Սարգսյանը ՊՊԾ գնդի տարածք մտնելուց հետո մինչեւ օգոստոսի 31-ն ընկած ժամանակահատվածում կատարել է ինչպես զավթած տարածքն ու շենքերը, այնպես էլ պատանդառված բուժաշխատողներին պահելուն ուղղված ակտիվ գործողություններ:

Այս առնչությամբ ArmLur.am-ը զրուցեց Արթուր Սարգսյանի փաստաբան Դավիթ Գյուրջյանի հետ: Վերջինս նշեց, որ սա  նորություն չէ, պարզապես ՀՔԾ-ն նոր է հայտարարություն տարածել:

«Արթուրի հետ խոսել եմ, նա  չի ընդունում իրեն առաջադրված մեղադրանքները»,- ասաց նա:

Փաստաբանի խոսքով ՝ Արթուրն առողջական լուրջ խնդիրներ ունի: Նրա առողջական վիճակն անհամատեղելի է կալանքի հետ, քանի որ Արթուրը հաշմանդամության կարգ ունի:

Հիշեցնենք, որ «Սասնա ծռեր» խմբին սնունդ հասցրած Արթուր Սարգսյանը հուլիսի 26-ին ոստիկանության ՊՊԾ գնդի տարածք մտնելուց հետո մինչեւ օգոստոսի 31-ն ընկած ժամանակահատվածում կատարել է ինչպես զավթած տարածքն ու շենքերը, այնպես էլ պատանդառված բուժաշխատողներին պահելուն ուղղված ակտիվ գործողություններ:

Լիդա Եղիազարյան