«Չորրորդ իշխանություն» թերթը գրում է. «ԲՀԿ-ից հեռացած և հիմա իշխող ՀՀԿ-ում տեղավորվել փորձող պատգամավորները հայտնվել են անհարմար դրության մեջ։ Հաջորդ խորհրդարանում նրանց հայտնվելու ապագան խիստ մշուշոտ է։ «ՉԻ» աղբյուրների պնդմամբ, նախկին ԲՀԿ-ականներից միայն Մարտուն Գրիգորյանին ու Բազմասեր Առաքելյանին են խոստացել ՀՀԿ վարկանիշային ցուցակում ընդգրկել և այդպես պատգամավոր դարձնել։
Իսկ ահա նախկին ԲՀԿ-ական մյուս պատգամավորներին՝ Մուշեղ Պետոյանին, Վահան Բաբայանին, Արագած Ախոյանին, Դավիթ Քոչարյանին, Ռուստամ Գասպարյանին, Տիգրան Ներսիսյանին եթե անգամ ընդգրկեն ՀՀԿ վարկանիշային ցուցակներում, ապա վերապահված է լինելու միայն կուսակցության համար ձայներ հավաքող «չարքաշ բանվորի» դերը։ Մեր տեղեկություններով, դեռևս հարցականի տակ է անգամ նրանց վարկանիշային ցուցակներում ընդգրկելու հավանականությունը իսկ 2017-ի խորհրդարանում մանդատ ունենալու միտքն այդ պատգամավորներին խորհուրդ են տվել մոռանալ»:
Ավելի մանրամասն՝ թերթի այսօրվա համարում։
.gif)
