Ինչպես հայտնի է` այսօր ՀՀ նախկին վարչապետ Հովիկ Աբրահամյանը հաստատել է, որ ՀՀԿ-ից դուրս գալու դիմում է ներկայացնելու` հավելելով, որ մնալու է քաղաքականության մեջ:
Այս առնչությամբ ArmLur.am-ը փորձեց կապ հաստատել ՀՀԿ-ական պատգամավորների հետ, սակայն վերջիններս ընդհատակ են անցել: Մեզ ի վերջո հաջողվեց զրուցել ԱԺ ՀՀԿ խմբակցության պատգամավոր Արտակ Դավթյանի հետ:
–Պարո՛ն Դավթյան, քիչ առաջ ՀՀ նախկին վարչապետ Հովիկ Աբրահամյանը հայտնեց, որ ՀՀԿ-ից դուրս է գալու: Դուք ինչպե՞ս եք վերաբերվում այս որոշմանը:
-Ես ափսոսանք եմ ապրում:
-Հովիկ Աբրահամյանը նաև նշել է, որ ինքը կմնա քաղաքականության մեջ և, ըստ տեղեկությունների, կմիավորվի Գագիկ Ծառուկյանին: Այդքան մեծ դաշինքը անհանգստություն չի՞ պատճառում ՀՀԿ-ին:
-Դա իր իրավունքն է: Իսկ ինչպիսին կլինեն հետագա քայլերը, կարվեն, որից հետո կարծում եմ, որ առիթ կունենանք մեկնաբանելու:
-Ընտրությունների նախաշեմի կարևոր փուլում այս որոշումն արդյո՞ք չի թուլացնում կուսակցությունը:
-Գիտեք` հնարավոր է, թե հնարավոր չէ, ամեն դեպքում քիչ ժամանակ է մնացել մինչև ապրիլի 2-ը: Ըստ էության, այդ հարցի պատասխանը կտա:
Լիդա Եղիազարյան
.gif)
