ԵԱՀԿ Մինսկի խմբի երեք համանախագահների կողմից նախատեսվող այցը յուրահատուկ է լինելու այն առումով, որ ԵԱՀԿ Մինսկի խմբի համանախագահներից երկուսը փոխվել են: Այս մասին ArmLur.am-ի հետ զրույցում ԵԱՀԿ Մինսկի խմբի` Ստեփանակերտ կատարելիք այցի մասին հայտնեց Արցախի Հանրապետության մամուլի խոսնակ Դավիթ Բաբայանը:
«Իրենց համար սա լինելու է ճանաչողական առաջին այցը Արցախ և Հայաստանի Հանրապետություն: Բնական է, որ սա կարևոր այցելություն է»,-ասաց նա:
Քննարկվող հարցերի մասին Դավիթ Բաբայանը նշեց, որ ավանդական է լինելու: Քննարկվելու է տարածաշրջանում տիրող իրավիճակը: Հիմնական շեշտը դրվելու է մեխանիզմների կիրառման, խաղաղության և կայունության պահպանման վրա:
Դավիթ Բաբայանի խոսքով՝ առաջարկներ Մինսկի խմբի եռանախագահներին միշտ էլ արվում են. «Որոնք ընդունվում են նրանց կողմից, բայց Ադրբեջանը տեղում մերժում է ցանկացած ողջամիտ առաջարկ»:
Լիդա Եղիազարյան
.gif)
