***
Փետրվարի 28-ին ժամը 12:00-ին «Պոստ Սկրիպտում» մամուլի ակումբում փաստաբան Տիգրան Աթանեսյանը կխոսի Բարձրագույն դատական խորհրդի անդամների ընտրությունից, կանդրադառնա Բարձրագույն դատական խորհրդի և դատական համակարգի անկախության փոխկապակցվածությանը, ինչպես նաև կներկայացնի խորհրդի գլխավոր գործառույթները` դրանց արդյունավետությունը, թերի և լավ կողմերը:
***
Փետրվարի 28-ին ժամը 12.30-ին «Նոյյան Տապան» լրատվական գործակալության մամուլի սրահում (Իսահակյան 28. 3-րդ հարկ) տեղի կունենա «Պահանջում ենք պատժել սրբապիղծ Աթեշյանին» հասարակական–քաղաքացիական նախաձեռնության անդամներ՝ լրագրող Գոհար Արշակյանի, մանկավարժ Սոսե Ղլեջյանի, «Վերադարձ» հիմնադրամի նախագահ Արագած Ախոյանի և սփյուռքահայ լրագրող, պատմաբան Գևորգ Յազըճյանի համատեղ ասուլիսը։
Թեման՝ «Գերագույն Հոգևոր խորհրդի աննախադեպ հայտարարությունը և թուրքական իշխանություններին համագործակցության հրավերքը. Մայր Աթոռի «զգուշավոր բանակցային» պահվածքի վտանգավոր հետևանքները Հայաստանում և Սփյուռքում։
Արցախում հակառակորդի գնդակից զոհված զինվորի դին եկեղեցում դնելու թույլտվություն չտված Շիրակի թեմի առաջնորդ Միքայել եպիսկոպոս Աջապահյանի մեկնաբանությունները. համայնքի ընդվզումը. հանրության գնահատականը և հրատապ անելիքները»։
***
Մարտի 1-ից ուժի մեջ մտնող կառավարության որոշումը, ըստ որի` մի շարք դեղեր հնարավոր կլինի գնել միայն դեղատոմսով, շարունակում է բուռն քննարկման առարկա մնալ հանրության շրջանում. հօգո՞ւտ, թե՞ ի վնաս բնակչության:
Թեմայի շրջանակներում փետրվարի 28-ին, ժամը 12.00-ին «Անդրադարձ» մամուլի ակումբում կխոսեն Կանխարգելիչ սրտաբանության կենտրոնի գիտական ղեկավար, Երեւան քաղաքի գլխավոր սրտաբան, դոկտոր, պրոֆեսոր Պարունակ Զելվեյանը, հանրային առողջապահության մասնագետ Դավիթ Պետրոսյանը եւ «Ընտանիքի առողջության պահպանման համալիր» ԲՀԿ ղեկավար Մերի Խաչիկյանը:
***
Փետրվարի 28-ին ժամը 12 00 Հայացք մամուլի ակումբի հյուրն է ՀԱԿ փոխնախագահ Արամ Մանուկյանը:
Թեման՝ Լրանում է մարտի 1-ի իրադարձությունների 10 տարին:
***
Փետրվարի 28-ին ժամը 13:00 Փաստարկ մամուլի ակումբի հյուրն է Ղարաբաղ կոմիտեի անդամ Աշոտ Մանուչարյանը: ԹԵՄԱ՝ Սումգայիթի հայկական ջարդերի իրավա-քաղաքական գնահատականի հիմնախնդիրը: Ամփոփ դիտարկումներ՝ ողբերգության 30-րդ տարելիցին ընդառաջ:
***
.gif)
