ՏԵՍԱՆՅՈՒԹ. Աստված չանի, ի՞նչ եք սկսել նման բաներից. Արայիկ Գրիգորյանը` դատական հայցերի մասին

Փետրվարի 28-ի Ազգային ժողովում տեղի ունեցան Բարձրագույն դատական խորհրդի (ԲԴԽ) անդամների ընտրությունները, եւ քվեարկության արդյունքներով 5 թեկնածուները ընտրվեցին: «Ժողովուրդ» օրաթերթը դատական քաշքշուկների մեջ հայտնված ԱԺ պատգամավորներից հետաքրքրվեց, թե ինչու կողմ քվեարկեցին Բարձրագույն դատական խորհրդի անդամների, արդյո՞ք այս քայլով ցանկանում էին հետագայում ապահովագրել իրենց:

2017 թվականի ԱԺ ընտրություների ժամանակ Հանրապետականի տարածքային ցուցակով առաջադրված երկու թեկնածուների` Արայիկ Գրիգորյանի եւ Մուրադ Մուրադյանի կողմնակիցների միջեւ ծեծկռտուք էր եղել, ավելի ուշ գործը կարճվեց: Ավելին` ԱԺ պատգամավոր Արայիկ Գրիգորյանի ընտանիքին պատկանող «Ավշար Պրոդ» ընկերության եւ պետական եկամուտների կոմիտեի ջրերը նույն առվով չեն հոսում: «Ժողովուրդ» օրաթերթը պարզել էր, որ ԱԺ պատգամավորի եղբորորդուն պատկանող ընկերությունը դատի է տվել ՊԵԿ-ի Արտաշատի մարզային բաժնին` պահանջելով, որ կառավարությանն առընթեր պետական եկամուտների կոմիտեի Արտաշատի մարզային բաժինն անվավեր ճանաչի ՊԵԿ-ի Արարատի մարզային բաժնի կողմից կայացրած որոշումը:

-Պարո՛ն Գրիգորյան, բոլոր թենածուներին կողմ քվերակեցի՞ք:

-Այո՛:

-Ինչո՞ւ, իրենց ո՞ր կատարած աշխատանքն էր Ձեզ գոհացրել, որ դրանից դրդված գնացիք, կողմ քվեարկեցիք:

-Հիմնականում ճանաչում եմ Գագիկ Հարությունյանին եւ Գեւորգ Դանիելյանին, երեքին չէի ճանաչում, նոր էի լսել իրենց մասին:

-Իսկ հնարավո՞ր է, որ կողմ քվեարկեցիք նրա համար, որ դատական քաշքշուկի մեջ ընկնեք, զանգեք, ասեք` Ձեզ կողմ եմ քվեարկել, հիմա ինձ օգնեք, դատավորներին ասեք` այսպես անեն կամ այնպես:

-Չեմ միջնորդում ընդհանրապես, կամ, ասենք, ի՞նչ դատական հայցեր:

Մանրամասները` ArmLur.am-ի տեսանյութում