Նախարարներից ամենացածր վարկանիշն ունի Արսեն Թորոսյանը, ամենաբարձրը՝ Դավիթ Տոնոյանը

1-5 բալային սանդղակում 4-ից բարձր գնահատական են ստացել 5 գերատեսչությունների ղեկավարներ՝ ԱԱԾ տնօրեն Արթուր Վանեցյան՝ 4․56, պաշտպանության նախարար Դավիթ Տոնոյան՝ 4․39, ոստիկանապետ Վալերիյ Օսիպյան՝ 4․35, արդարադատության նախարար Արտակ Զեյնալյան՝ 4․09, աշխատանքի և սոցիալական հարցերի նախարար Մանե Թանդիլյան՝ 4․1 բալ։

Այս մասին այսօր լրագրողների հետ զրույցում այս տվյալները ներկայացրեց «GALLUP International association»-ի Հայաստանում լիիրավ անդամ «ԷՄ Փի ՋԻ» ՍՊԸ-ի տնօրեն Արամ Նավասարդյանը: Նրա փոխանցմամբ` համաձայն այս տվյալների` նախարարներից ամենացածր վարկանիշն ունի առողջապահության նախարար Արսեն Թորոսյանը`3․37 բալ ցուցանիշով, ամենաբարձրը՝ պաշտպանության նախարար Դավիթ Տոնոյանը։