Բնությունը երիտասարդ նկարիչների աչքերով

Հայաստանի բնության պետական թանգարանում այսօր բացվեց «Բնությունը երիտասարդ նկարիչների աչքերով» ցուցահանդեսը: Կազմակերպիչը Բնապահպանությունը կերպարվեստի լեզվով հասարակական կազմակերպությունն է: Վերջինիս ղեկավար, գեղանկարիչ Սեւադա Սարգսյանը ArmLur.am-ի հետ զրույցում տեղեկացրեց, որ ցուցահանդեսին ներկայացված է 19 երիտասարդ նկարչի 48 աշխատանք: Տեղեկացնենք, որ Հայաստանի բնության պետական թանգարանում դեկտեմբերի 25-ին եւս մեկ նման ցուցահանդես է նախատեսված` «Իմ հայրենիք, բնություն, հրաշք» խորագրով: