Ճշմարտություն չկա այն մարդու մեջ, որը ի զորու չէ վերահսկել սեփական լեզուն. Շարմազանովի արձագանքը` Փաշինյանի ելույթին

ՀՀԿ խոսնակ, ԱԺ նախկին փոխնախագահ Էդուարդ Շարմազանովն սոցցանցի իր էջում գրել է․

«Խելացի չէ չափից ավել վստահել սեփական իմաստությանը։

Քիչ առաջ մերօրյա հեղափոխական-վարչապետ Նիկոլ Փաշինյանը, քննադատելով իր ընդիմախոսներին, մեջբերում է արել Մահաթմա Գանդիից ու նշել,թե «սկզբում քո վրա ծիծաղում են, բայց վերջում դու հաղթում ես»։

Հնդկական փիլիսոփայության սիրահար Նիկոլին հիշեցնեմ Գանդիի շատ ավելի արդիական խոսքերը։

«Խելացի չէ չափից ավել վստահել սեփական իմաստությանը։
Ճշմարտություն չկա այն մարդու մեջ, որը ի զորու չէ վերահսկել սեփական լեզուն»։

Հ.Գ. Հրապարակային տարաձայնությունը առաջընթացի գրավականն է»,-գրել է նա։