Ով է Հանրային հեռուստառադիոընկերության խորհրդի նոր նախագահը

Ինչպես հայտնի է՝  մարտի 11-ին հայտարարված ՀՀ հանրային հեռուստառադիոընկերության խորհրդի նախագահի թափուր տեղի համալրման համար հայտարարված մրցույթն ավարտվել է: Ձայների մեծամասնությամբ Հանրային հեռուստառադիոընկերության խորհրդի նախագահ ընտրվեց Արա Շիրինյանը: Արա Շիրինյանը ստացել է 3, Մեսրոպ Մովսիսյանը՝ 1, Տիգրան Հակոբյանը 1 ձայն:

Արա Շիրինյանը «Քաղաքացիական պայմանագիր» վերադարձի հիմնադրամի հոգաբարձուների խորհրդի նախագահն է:

Ծնվել է 1957 թ. հունիսի 13-ին Երեւանում:

Սովորել է Երեւանի Հայկական մանկավարժական ինստիտուտի կուլտուրայի ֆակուլտետի ռեժիսորական բաժնում:
1982-1996թթ. աշխատել է Հայաստանի պետական հեռուստաընկերությունում որպես ռեժիսոր:

1996-2003 թթ. աշխատել է «Հայաստան» համահայկական հիմնադրամի հանրային կապերի բաժնում որպես տեսաֆիլմերի արտադրության պատասխանատու:

Դասավանդել է ԵՊՀ ժուռնալիստիկայի բաժնում:

1999-ից՝ «Վերսուս» ֆիլմարտադրող ստուդիայի համահիմնադիրն է:

2004-ից՝ «Շողակաթ» հեռուստաընկերության գեղարվեստական ղեկավար:

Ամուսնացած է, ունի մեկ դուստր: