Ինչպես արդեն հայտնել էինք, երեկ ողբերգական դեպք էր տեղի ունեցել Գեղարքունիքի մարզում: Ժամը 16:20-ի սահմաններում Սևանի բժշկական կենտրոնի շտապօգնության հերթապահ խումբը ահազանգել էր ոստիկանության Սևանի բաժին, որը կանչով մեկնել էր Լճաշեն գյուղ, որտեղ գտնվող անասնաբուծական կենտրոնի տարածքից հիվանդանոց տեղափոխելու ճանապարհին երիտասարդ տղան մահացել էր:
Դեպքի առթիվ ArmLur.am-ը զրուցել է Լճաշեն համայնքի ղեկավար Կորյուն Մարգարյանի հետ: Վերջինիս խոսքով` մահացած տղան Վարդեր համայնքից էր. « Դեպքը մեր գյուղում է եղել, քանի որ տղան աշխատում էր մեր համայնքում: Շինարարական աշխատանքներ կատարելու ժամանակ փլուզում է տեղի ունեցել, որի հետևանքով տղան մահացել է»:
Լճաշենի համայքնի ղեկավարի խոսքով` 17-ամյա Էմիլ Վարդանյանն ուներ առողջական լուրջ խնդիրներ, ընտանիքը գտնվում է ֆինանսական ծանր կացության մեջ :
«Դեռ անցած տարի Էմիլի առողջական վիճակը բարելավվելու համար, որպես օգնություն գումար հավաքվեց, կարծես , թե լավացել էր ու այս դեպքը տեղի ունեցավ»,- հավելեց Կորյուն Մարգարյանը:
Լիդա Եղիազարյան
.gif)
