Հայրենական մեծ պատերազմի վետերանների ամենամսյա պատվովճարի չափը 50 հազար դրամի փոխարեն սահմանվել է 100 հազար դրամ։ Որոշման նպատակն է Հայրենական մեծ պատերազմի վետերանների սոցիալական պաշտպանվածության մակարդակը բարձրացնելն է` նրանց ակտիվ գործունեությունն ու բարեկեցությունն ապահովելու համար:
2019 թվականի պետական բյուջեով Հայրենական մեծ պատերազմի վետերանների պատվովճարների համար նախատեսվել է 238 միլիոն 200 հազար դրամ 397 շահառուի համար: 2019 թվականի մայիսի 1-ի դրությամբ փաստացի պատվովճար է տրվել 318 վետերանի։
2019 թվականի հունվար-մայիս ժամանակահատվածում վետերանների պատվովճարի ծախսը կազմել է 84 միլիոն 607 հազար դրամ, իսկ հունիս ամսվա ծախսը կանխատեսվում է շուրջ 15 միլիոն դրամ։ Արդյունքում, 2019 թվականի հունվար-հունիս ժամանակահատվածում պատվովճարի գծով ծախսը կանխատեսվում է շուրջ 100 միլիոն դրամ։
.gif)
