Հրդեհ անասնագոմի տանիքում

Օգոստոսի 4-ին, ժամը 15:23-ին «911» ծառայությանն ահազանգ է ստացվել, որ Կոտայքի մարզի Ակունք գյուղի 10-րդ փողոցում հրդեհ է բռնկվել:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:

Պարզվել է, որ հրդեհը բռնկվել է տներից մեկին հարակից անասնագոմի և խորդանոցի տանիքներում:

Հրդեհը մեկուսացվել է ժամը 16:18-ին, մարվել՝ 17:46-ին:

Այրվել են անասնագոմի (մոտ 70 քմ) ու խորդանոցի (մոտ 20 քմ) տանիքները և մոտ 180 հակ անասնակեր: