Այսօր մամուլում համառ լուրեր էին շրջանառվում այն մասին, որ «Երևան սիթի» խանութների ցանցի՝ Նոր Նորք վարչական շրջանում մեգամոլի բացման կապակցությամբ ընկերությունը որոշել է, որ ամեն ընկերություն պետք է իր մի քանի ներկայացուցիչն ունենա խանութում, որոնք պետք է հերթափոխով աշխատեն: Հակառակ դեպքում ընկերությունները չեն կարող աշխատել մոլի հետ:
Նույն լուրերի համաձայն՝ հարցին ընթացք տալու համար ընկերություններն այս մասին տեղեկացրել են ՏՄՊՊՀ հանձնաժողովին:
Հրապարակման հետքերով գնալով՝ ArmLur.am-ը փորձեց հասկանալ՝ որն է բուն խնդիրը: Հիշատակված ընկերություններից «Աթենքի» ներկայացուցիչը, օրինակ, զարմացավ լուրերի բովանդակությունից՝ կտրականապես հերքելով դրանք և հայտարարելով, որ դրանք պարզապես ծիծաղելի են:
Մեր զրուցակից Վլադիմիր Ղազարյանը փաստեց, որ երբևէ դժգոհություն, որևէ հարցով չի եղել:
«Այս ամենը սուտ է, ո’չ մենք ենք դիմել, ո’չ էլ մեր աշխատակիցներից որևէ մեկը»,- եզրափակեց «Աթենքի» ներկայացուցիչը:
Լիդա Եղիազարյան
.gif)
