Վիճակագրական կոմիտեի շտապողականությունն ու տնտեսական ակտիվության ցուցանիշի իրական թվերը․ «Ժողովուրդ»

«Ժողովուրդ» օրաթերթը գրում է․ «ՀՀ վիճակագրական կոմիտեն երեկ շտապեց տեղեկացնել, որ մեր երկրում տնտեսական ակտիվության ցուցանիշն աճել է. 2020 թվականի հունվար-փետրվարին աճը կազմել է 8.7 տոկոս։ Միայն մեկ ամսվա ընթացում Վիճակագրական կոմիտեն Հայաստանում արձանագրել է 9.2 տոկոս աճ։

«Ժողովուրդ» օրաթերթը տեղեկացավ, որ արտաքին առեւտրաշրջանառությունը փետրվարին, հունվարի համեմատ, աճել է 15,4 տոկոսով։ Միայն արտահանման ծավալները փետրվարին, հունվարի համեմատ, աճել է 7,6 տոկոսով, իսկ ներմուծման ծավալները, հակառակը, նվազել են 0,8 տոկոսով։ Ի դեպ, ներմուծման ծավալները նվազել են նաեւ այս տարվա հունվար-փետրվար ամիսներին՝ նախորդ տարվա նույն ժամանակահատվածի համեմատ. այս դեպքում անկումը կազմել է 3․2 տոկոս։ Բայց եթե վերը նշված տվյալները համեմատենք նախորդ տարվա դեկտեմբերի հետ, ապա տխուր պատկերի ականատես կլինենք. տնտեսական ակտիվության ցուցանիշը նվազել է 47․9 տոկոսով, իսկ արդյունաբերական արտադրանքի ծավալները՝ 42 տոկոսով»։

Մանրամասները՝ «Ժողովուրդ» օրաթերթի այսօրվա համարում։