Մոսկվայի մեկուսարանում գտնվող հայ գործարար Լևոն Հայրապետյանը առավոտյան կորցրել է գիտակցությունը, նրան գիտակցության են բերել անուշադրի սպիրտի օգնությամբ: Այս մասին հաղորդում է Artsakh Today մամուլի կենտրոնը:
Գործարարի զարմիկ Գուրգեն Հայրապետյանը հայտնել է, որ Լևոն Հայրապետյանը դեռ իրեն շատ վատ է զգում, բայց կարողանում է շփվել փաստաբանի հետ:
«Նման միջոցով այդքան հիվանդ մարդուն պատժելը անմարդկային է: Չէ՞ որ խոսքը տնտեսական գործունեության մասին է: Իսկ նրան վերաբերվում են այնպես, կարծես թե նա ինչ-որ մեկին սպանել է, և նրան բռնել են հանցանքի վայրում: Օր առաջ պետք է նրա խափանման միջոցը փոխել տնային կալանքի»,- ասել է Գուրգեն Հայրապետյանը:
Հիշեցնենք, որ հայազգի գործարարի առողջական վիճակը մեկուսարան տեղափոեխվելուց հետո կտրուկ վատացել էր, և նրա փաստաբանները պայքարում են վերջինիս խափանման միջոցը փոխելու համար:
.gif)
