«Комсомольская Правда» թերթը զրուցել է Ավետիսյանների սպանության մեջ մեղադրվող Վալերի Պերմյակովի ծնողների հետ և մանրամասներ ներկայացրել Վ. Պերմյակովի անցյալից:
Բալեյ քաղաքը, որտեղ ապրել է Վ. Պերմյակովը, անվանում են «հանքագործների թաղամաս»: Այնտեղ առաջին անգամ գտնվող մարդուն նույնիսկ կարող է թվալ, որ այն մահացող քաղաք է: Լրատվամիջոցը նշում է, որ ծնողները հոգնել էին հարցազրույցներ տալուց, սակայն հերթական զրույցից չհրաժարվեցին և որդու մասին պատմել համաձայնվեցին:
Մանկությունը…
– Ի՞նչ ասել մանկության մասին: Վալերին ոչնչով չի տարբերվել մյուս տղաներից: Սովորել է ինչպես բոլորը` երեքներով, չորսերով: Միշտ հարգանքով է մոտեցել մեծերին և երբեք չի հրաժարվել իր օգնությունը ցուցաբերել:
– Նա ընկերներ ունե՞ր:
– Իհարկե, ուներ: Այնպիսի տեղացի տղաներ, ինչպիսիք նա է: Նրանցից շատերը հիմա նույնպես ծառայության մեջ են:
– Շատերի մոտ այն տեսակետն է, որ նա հանցագործությունը կատարել է թմրադեղերի ազդեցության տակ:
– Ինչպե՞ս ես կարող եմ պատասխանել այդ հարցին: Ես այնտեղ չեմ եղել: Երբ նա բանակ էր գնում, նույնիսկ ծխախոտ չէր օգտագործում: Իսկ խմիչքի հետ կապված, կարող եմ ասել, որ մենք երբեք նրան խմած վիճակում չենք տեսել: Մենք աղանդավոր չենք, մենք ուղղակի հավատում ենք Աստծուն:
– Մենք ավետարանական հավատքի հետևորդ ենք, մենք քրիստոնյաներ ենք: Մեզ բոլորը հարգում են և աղանդավոր չեն համարում, – խոսակցությանը միացավ Վ. Պերմյակովի մայրը` Մարիա Կուզմինիչնան:
– Իսկ Վալերին հավատացյա՞լ էր:
– Եկեղեցի հազվադեպ է գնացել, բայց բոլոր պատվիրանները գիտեր:
– Վալերին 9-ամյա կրթություն է ստացել, իսկ մինչ զորակաչովելը, ինչո՞վ էր զբաղվում:
– Աշխատում էր, սպասում էր զորակոչման տարիքին: Նացանկանում էր գնալ բանակ և մնալ որպես պայմանագրային զինծառայող: Մենք հաճախ ենք հեռախոսով զրուցել, և նա երբեք չի դժգոհել: Կարծում եմ, որ առողջական խնդիրներ ունեցող մարդկանց այլ երկիր ծառայության չեն ուղարկում: Չենք հավատում, որ մեր տղան կարող էր նման արարք անել, հույս ունենք արդար հետաքննության:
Լրագրողը զրուցել է նաև քաղաքի բնակիչների հետ, ովքեր ճանաչում են Պերմյակովի ընտանիքին: Նրանց խոսքով, Պերմյակովը և՛ խմում էր, և՛ անկարգություններ թույլ տալիս: Նրանք նշել են, որ այնպիսի մարդկանց, ինչպիսին Պերմյակովն է, առհասարակ չպետք է բանակ ուղարկել:
.gif)
