Քիչ առաջ Գերմանիայի Հալե քաղաքի «Gerry Weber» արենայում ավարտվեց պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամի ու նախկին չեմպիոն Ռոբերտ Շտիգլիցի հերթական մենամարտը:
Արթուր Աբրահամը հրաշալի ելույթ ունեցավ և 6-րդ ռաունդում նոկաուտի ենթարկեց Ռոբերտ Շտիգլիցին։ Նոկդաունի ենթարկվելուց հետո Շտիգլիցը փորձեց շարունակել մենամարտը, սակայն նրա մարտավկան դադարեցրեց մենամարտը։
Այս հաղթանակը Աբրահամի համար 40-ն էր 47 մենամարտերում, որոնցից 29-ը՝ նոկաուտով։
Մենամարտին ներկա էր նաև Հենրիխ Մխիթարյանը։
2012 թվականից սկսած՝ Աբրահամն ու Շտիգլիցը հանդիպում են տարին 1 անգամ պարբերությամբ. 2012-ին հաղթել է Արթուրը, 2013-ին՝ Շտիգլիցը, 2014-ին էլ կրկին Արթուրը։
.gif)
