Ռուսաստանի Ռոստովի մարզի գյուղերից մեկում հաշվեհարդարից մազապուրծ է եղել շուրջ 300 մարդու կողմից ծեծի ենթարկված, իսկ ավելի ուշ հիվանդանոցում մահացած հայազգի վարորդ Ռաֆայել Խալղաթյանի հայրը: Կատաղած ամբոխը, վթարի ենթարկված մեքենաների վարորդներն ու նրանց համագյուղացիները «Ֆորդ ֆոկուս» մակնիշի մեքենայից դուրս են քաշել մեքենայի վարորդին և ուղևորին ու սկսել նրանց դաժան ծեծի ենթարկել: Ինչպես հայտնում է Lifenews-ը, տեղի ոստիկանության աշխատակիցներից մեկին հաջողվել է փախցնել ու իր տանը թաքցնել սպանվածի հորը: Իսկ 22-ամյա Ռաֆայելը ստացած վնասվածքներից մահացել է:
«Ես նրանցից մեկին քաշ տվեցի իմ բակ ու այնտեղ թաքցրեցի»,- պատմել է իրավապահ մարմինների աշխատակիցը,- երկրորդին փրկել չհասցրի: Երբ վերադարձա, նա արդեն անգիտակից վիճակում էր, ընկած մեքենայի տակ»:
Ինչպես արդեն տեղեկացրել էինք, ավելի ուշ Ռաֆայել Խալղաթյանը մահացել էր հիվանդանոցում:
Ինչպես հայտնի դարձավ armlur.am-ին, վերջինս ամուսնացած էր և ուներ մեկ դուստր:
Ռաֆայել Խալղաթյանի քրոջ խոսքով՝ եղբորը մահացու ծեծի ենթարկածներից 3-ն արդեն ձերբակալված են: Հետախուզում է հայտարարվել ևս 50 մարդու հանդեպ:
.gif)
