Լարված իրավիճակ Կառավարության շենքի առջև. «Առինջ» մոլ, «Սուրմալու», «Փեթակ» առևտրի կետերի աշխատակիցները վերջնաժամկետ ներկայացրին

Լարված իրավիճակ Կառավարության շենքի առջև. «Առինջ» մոլ, «Սուրմալու», «Փեթակ» առևտրի կետերի աշխատակիցները վերջնաժամկետ ներկայացրին

Այս պահին կառավարության շենքի դիմաց լարված իրավիճակ է: Բողոքի ակցիա են անցկացնում «Առինջ» մոլ, «Սուրմալու», «Փեթակ» առևտրի կետերի աշխատակիցները` վստահեցնելով, որ հարկային տեսուչներն ահաբեկում են իրենց: ArmLur.am-ի թղթակիցը հայտնում է, որ նրանք հանդիպում են պահանջում վարչապետ Կարեն Կարապետյանի հետ:

Քիչ առաջ կառավարության դիմում-բողոքների և նամակների բաժնի պետ Ալիկ Ղազարյանը ակցիայի մասնակիցներին ուղղորդեց գնալ Պետական եկամուտների կոմիտե և իրենց պահանջն այնտեղ ներկայացնել:

Քիչ առաջ քայլերթ մեկնարկեց:

Մինչդեռ ՊԵԿ-ից քիչ առաջ պարզաբանեցին, որ կոմիտեի աշխատակիցների կողմից իրականացվող ստուգայցերը ոչ թե պատժելու, այլ կանխարգելման նպատակ ունեն և բխում են այն տրամաբանությունից, որի մասին նախապես կոմիտեն հայտարարել էր՝ քննարկելով նաև հասարական կառույցների հետ:

Հիշեցնենք, որ ՊԵԿ-ը ստուգումներ է անցկացնում «Առինջ» մոլում և ևս մի քանի խոշոր առևտրի կետերում՝ նպատակ ունենալով այնտեղ չգրանցված աշխատողներ գտնել: Ստուգումները տնտեսվարողների դժգոհությունն է առաջացրել: Նրանք նշել են, որ իրենց գործունեությունը հիմնականում ու մեծամասամբ իրականացնում են ընտանիքի անդամների միջոցով, իրենց մոտ աշխատում են ընտանիքի անդամները: