ՀՀ Գլխավոր Դատախազության Կարևոր գործերով քննությանն վարչության պետի տեղակալ Անդրանիկ Հակոբյանը լրագրողների հետ զրույցում հայտնեց, որ Իրավապաշտպան Արթուր Սաքունցին կյանքից զրկելու սպառնալիքների հատկանիշներով Քրեական օրենսգրքի 137 հոդվածի առաջին մասով հարուցվել է քրեական գործ: «Որոշում է կայացվել Արթուր Սաքունցին տուժող ճանաչելու մասին և կատարվել է հարցաքննություն: Քրեական գործը պետք է ուղարկվի Քննչական կոմիտե նախաքննություն կատարելու համար»,-ասաց նա:
Վանաձորի ՀՔԱ գրասենյակի ղեկավար Արթուր Սաքունցն էլ ասաց, որ թեև ի սկզբանե ոստիկանություն չեն դիմել, այլ դատախազություն, բայց գործը փոխանցվել է ոստիկանությանը: Սաքունցը նշեց, որ լրացուցիչ բացատրություն է այսօր ներկայացրել իրեն հայտնի հանգամանքների վերաբերյալ:
.gif)
