Կիեւի մարզի Զգուրովսկի շրջանի Ստարոժրիցկիի VII գումարման գյուղխորհրդի պատգամավորը որդու հետ միասին մարդկանց ուղղությամբ կրակ է բացել՝ նկատողություն ստանալու պատճառով։ Այս մասին հաղորդում է Կիեւի մարզի դատախազությունը:
Վարձակալված հողատարածքում գյուղատնտեսական աշխատանքներ կատարելիս պատգամավորն ու նրա որդին գյուղտեխնիկայի միջոցով փակել են ճանապարհը։ Արդյունքում նրանց ու երկու տղամարդկանց միջեւ, որոնք ցանկացել են անցնել այդ վայրով, վեճ է ծագել։ Այդ ընթացքում պատգամավորը ողորկափող հրացանից կրակ է բացել տղամարդկանց ուղղությամբ։ Երկուսն էլ մարմնական վնասվածքներ են ստացել։
Նախաքննություն է ընթանում։ Պատգամավորին 3-7 տարվա ազատազրկում է սպառնում։
.gif)
