ՖՈՏՈ. ՎԻԴԵՈ. Ուղղաթիռը գրոհել Է Վենեսուելայի Գերագույն դատարանի շենքի վրա և նռնակներ նետել

Հուն 28,2017 10:20
ՀԵՏԵՎԵՔ ՄԵԶ Telegram-ՈՒՄ

Ուղղաթիռով գրոհել են Վենեսուելայի Գերագույն դատարանի շենքի վրա: Հունիսի 27- ին այս մասին հայտարարել Է հանրապետության նախագահ Նիկոլաս Մադուրոն: «(Ուղղաթիռից) այդ մարդը նետել Է մի քանի նռնակներ, որոնք չեն պայթել: Գերագույն դատարանի շենքում տեղի Էր ունենում միջոցառում: Դա կարող Էր հանգեցնել տասնյակ զոհերի»,-­ ասել Է Մադուրոն ազգային հեռուստատեսության եթերում:

Նրա խոսքով՝ «ուղղաթիռը գնդակոծել Է Գերագույն դատարանի շենքը, իսկ այնուհետեւ թռել ներքին գործերի նախարարության շենքի վրայով»: «Ես դատապարտում եմ այս ահաբեկչական գործողությունը եւ պահանջում եմ, որ «Ժողովրդավարական միասնության դաշինքը» (ընդդիմադիր կոալիցիան) դատապարտի այդ հարձակումը»,­- հավելել Է նա:

Կապի եւ տեղեկատվության նախարար Էռնեստո Վիլիեգասի խոսքով՝ հարձակման ընթացքում գործի Է դրվել ոստիկանությունից գողացված ուղղաթիռը: Տեղական զանգվածային լրատվամիջոցներում եւ սոցիալական ցանցերում հրապարակված լուսանկարներում երեւում Է, որ թռիչքի ժամանակ թռչող ապարատը վարողները դրանից կախել են պաստառ` «ազատություն 350» մակագրությամբ:

https://www.instagram.com/p/BV3Hdhvl9wC/?taken-by=oscarperezgv

Ուժային կառույցների հատուկ ստորաբաժանումները որոնում են գնդակոծման կազմակերպիչներին ու մասնակիցներին: Գերագույն դատարանի վրա ձեռնարկված գրոհից հետո զրահատեխնիկա Է դուրս բերվել Կարակասի փողոցներ:




Լրահոս

ԿԱՐԴԱՑԵՔ ՆԱԵՎ

Նման նյութեր