Ազատամարտիկ Արշավիր Բոզինյանը մահացել է

Երեկ 58 տարեկան հասակում կյանքից հեռացավ Հրազդանի «Սասուն» ջոկատի ազատամարտիկ Արշավիր Սուրենի Բոզինյանը: Հոգեհանգստի արարողությունը տեղի կունենա այսօր ժամը 17:00-ից մինչև 20:00 Հրազդանի Վանատուր թաղամասի «Սուրբ Մարիամ Աստվածածին» եկեղեցում:

Հուղարկավորությունը տեղի կունենա վաղը` դեկտեմբերի 15-ին ժամը 13:00-ին Կենտրոն թաղամասի 33/3  բնակարանից:

Հիշեցնենք, որ Արշավիր Բոզինյանը 1992թ.-ին մարտի 12-ին Կիչան, Սրխավենդ գյուղերի ազատագրման ժամանակ գլխից ծանր վիրավորվել էր և մինչև այսօր տեղաշարժվում էր սայլակով:

Հրազդանի «Սասուն» ջոկատը ցավակացում է իր մարտական ընկերոջ հարազատներին վաղաժամ մահվան կապակցությամբ:

«Փա′ռք ու պատի′վ քեզ, Արշավիր,

«Սասուն» ջոկատի ազատամարտիկները փառապանծում և խոնարհվում են քո շիրիմի առաջ, Արշո′,  Արցախի ազատագրման գործում քո մեծ ներդրման համար:

«Ժողովուրդ» օրաթերթի և ArmLur.am-ի խմբագրակազմը նույնպես իր ցավակցությունն է հայտնում ազատամարտիկի հարազատներին ու մարտական ընկերներին: