Էրդողանը մտադիր է բանակցություններ անցկացնել Մերկելի հետ

Թուրքիայի նախագահը Ռեջեփ Թայիփ Էրդողանը մտադիր է անձամբ հանդիպել Գերմանիայի կանցլեր Անգելա Մերկելի հետ` բանակցությունների համար և լուծելու երկու երկրների միջեւ առկա խնդիրները: Այս մասին հայտնում է Bild հրատարակությունը` հղում անելով Թուրքիայի ԱԳ նախարար Մեվլութ Չավուշօղլուին:

Նշվում է, որ Էրդողանը հանդիպման երկու տարբերակ է քննարկում, նա պատրաստ է Մերկելին հրավիրել Թուրքիա կամ գնալ բանակցությունների Գերմանիա:

«Մենք պետք է պահպանենք երկխոսությունը», – ասել է Չավուշօղլուն:

Ավելի վաղ Գերմանիայի արտգործնախարար Զիգմար Գաբրիելը նշել է, որ Գերմանիան եւ Թուրքիան կապված են «հատուկ հարաբերություններով»: