Ազատամուտում հաղթեց ընդդիմությունը. «Ժողովուրդ»

«Ժողովուրդ» օրաթերթը  գրում է. «Մարտի 11-ին Իջեւանի տարածաշրջանի Ազատամուտ համայնքում կայացել են ավագանու արտահերթ ընտրություններ: Ավագանու 9 տեղի համար գրանցվել է 15 թեկնածու, սակայն հետո` ընտրություններից 10 օր առաջ, 5 թեկնածու ինքնաբացարկ է ներկայացրել: Նոյեմբերյան քաղաքում տեղակայված թիվ 37 տարածքային ընտրական հանձնաժողովից հայտնեցին, որ Ազատամուտի ընտրական 2 տեղամասերի ընդհանուր թվով 2322 ընտրողից քվեարկությանը մասնակցել է 1343-ը, կամ ընտրողների 57.8 տոկոսը: Ընտրությունների վերաբերյալ բողոքներ չեն եղել: «Ժողովուրդ»-ի տեղեկություններով` ավագանու նորընտիր 9 անդամներից 4-ն են Ազատամուտ համայնքի ղեկավար Ժորա Մարտիրոսյանի կողմնակիցները, իսկ 5-ը` ոչ: Ազատամուտում ավագանու նախկին կազմի մի քանի անդամներ համայնքի ղեկավարին մեղադրում էին ոչ թափանցիկ աշխատաոճի, համայնքի բյուջեից տրվող օգնության գումարների մասին տեղեկատվություն չներկայացնելու մեջ:

Ավելի մանրամասն՝ «Ժողովուրդ» օրաթերթի այսօրվա համարում: