Ովքեր կարող են 2 ժամով բացակայել աշխատանքից․ Արցախի պարետի նոր որոշումը

ԱՀ պարետ, տարածքային կառավարման և զարգացման նախարար ժիրայր Միրզոյանի ցուցման (https://is.gd/LbEt7T ) համաձայն՝ անհրաժեշտ է հնարավոր բոլոր դեպքերում թույլատրել (հարգելի համարել) աշխատանքային օրվա մեջ մինչև 2 ժամ ժամկետով այն աշխատակիցների բացակայությունը, ովքեր ունեն երկհերթ ուսուցմամբ պետական և ոչ պետական ուսումնական հաստատություն(ներ)ում երկրորդ հերթում 1-9-րդ դասարաններում սովորող երեխա(ներ)։ Այս մասին տեղեկացնում է Տեղեկատվական շտաբը։

Նշենք, որ Արցախի դպրոցներում դասերը մեկնարկել են սեպտեմբերի 14-ից։