Սա կապրիզ չէ, մենք պնդել ենք մեր տեսակետը. Սոֆյա Հովսեփյանը՝ կրթության չափորոշիչների մասին

«Ժողովուրդ» օրաթերթը զրուցել է ԱԺ «Իմ քայլը» խմբակցության պատգամավոր Սոֆյա Հովսեփյանի հետ, պարզելու համար արդյոք ճիշտ են այն տեղեկությունները, որ վերջինս թիմի հետ ունենանլով անհամաձայնություն պատրաստվում է մանդատը վայր դնել: Պատգամավորը խոսել է նաև իր այն գործընկերների մասին, որոնք դժգոհ լինելով ՍԴ դատավորների ընտրությամբ տարաձայնություններ են ունեցել քաղաքական թիմի հետ ու քննարկում են մանդատից հրաժարվելու հարցը:

Armlur.am-ը զրուցել է ԱԺ «Իմ քայլը» խմբակցության պատգամավոր Սոֆյա Հովսեփյանի հետ:

-Տիկին Հովսեփյան Ձեր անունն է շրջանառվում, թե ՍԴ դատավորների ընտրության հետ կապված Դուք նույնպես անհամաձայնություն եք ունեցել: Խմբակցությունում բարձրաձայնել եք դրա մասին, բայց ի վերջո ընտրվել է Արթուր Վաղարշյանը:

-Ես նման խոսակցություն չեմ ունեցել խմբակցությունում, ավելին՝ Սահմանադրականի հետ կապված քննարկումներին չեմ մասնակցել ի սկզբանե: Նույնիսկ քաղաքում էլ չէի ու մեկուսացման մեջ էի: Քննարկումներին չեմ եղել. Իսկ վերջում՝ ինքս լսել եւ իմ ընտրությունը կատարել եմ:

-Բայց առհասարակ, այս հարցում տարաձայնություն ունեցե՞լ եք:

-Անգամ քննարկում չեմ ունեցել, որովհետեւ նպատակային չեմ գտել քննարկել այդ հարցը:

-Տիկին Հովսեփյան, իսկ ինչ-որ տարաձայնություն ունե՞ք խմբակցության հետ: Վերջին ժամանակահատվածում. գուցե չափորոշիչների հետ կապվա՞ծ:

-Չափորոշիչների հետ կապված տարաձայնությունների խմբակցությունում երբեք չեմ ունեցել: Իմ խնդիրը ներկայացրել եմ նախարարություն, քննարկել ենք, առաջարկների փաթեթը ներկայացրել եմ: Մի շարք բաներ, որոնք առաջարկել եմ, ընդունվել են, որոշ բաներ գրավոր եմ ուղարկել, հիմա սպասում եմ պատասխաններին: Դեռ չգիտեմ որ մասն է անցել, որը՝ ոչ:

-Իսկ հնարավո՞ր է դա պատճառ հանդիսանալ, որ, օրինակ հայտարարեք, որ Դուք եւս անհամաձայնություն ուենք նախարարության հետ եւ վայր կդնեք Ձեր մանդատը, ինչպես արեց Արսեն Ջուլֆալակյանը: Իր ոլորտի հետ կավպած հարցերը չլուծելու դեպքում:

-Ոչ, որովհետեւ ես դնում եմ լուծման պահանջը: Ես բոլոր շահագրգիռ կողմերի հետ հանդիպում եմ ունեցել կապված թե եկեղեցու պատմություն առարկայի համար հանդիպել եմ Վեհափառի հետ: Առաջարկներս նաեւ իրենց հետեմ քննարկել, համաձայնություն ունեցել եւ տեղեկացրել եմ այդ ամեն ինչի մասին նաեւ նախարարությանը: Իրենք ընդունել են առաջարկներս, հիմա քննարկում են կոմպրոմիսային տարբերակի համաձայն են: Այսինքն որ առարկան, եթե այլ առարկայի մեջ դրա հետ կապված խնդիր չունեն, բայց պետք է տանեմ նրան, որ գոնե առարկան լինի, ոչ թե ստացվի, որ առարկան տանում են բայց ընդհամենը մի էպիզոտիկ հատված:

-Եթե անգամ անհամաձայնություն լինի, Ձեր առաջարկները չընդունեն, դա չի՞ ստիպի Ձեզ պատգամավորական մանդատից հրաժարվել:

-Ոչ: Կարծում եմ, նախ, չեն տանի նրան, որ չընդունվի: Ես համառ եմ իմ պահանջներում: Սա ոչ թե կապրիզ է, այլ բավականին շատ մարդկանց հետ քննարկված, շահագրգիռ կողմերի՝ ծնողների հետ է քնարկվել, թե որքանով է պետք Հայ եկեղեցու պատմության ուսուցանումը, ոչ թե առարկան, այլ պատմության ուսուցանումն այլ ֆորմատով: Ունեմ համաձայնությունները, այդ մասին քննարկել եւ ներկայացրել եմ Վեհափառին:

-Տիկին Հովսեփյան, իսկ զրուցե՞լ եք Ձեր գործընկներների հետ, այն անձանց, ում անունը շրջանառվում է պատգամավորական մանդատից հրաժարվելու մասով՝ օրինակ, Հովհաննես Հովհաննիսյան, Լուսինե Բադալյան, Գայանե Աբհարամյան, Գոռ Գեւորգյան:

-Չեմ հասցրել զրուցել, որովհետեւ մամուլից իմացա իրենց անունները: Գիտեմ, որ կար այդ տարակարծրությունը՝ կապված Սահմանադրական դատարանի ընտրության հետ: Բայց քանի որ հանսգտյան օրեր մամուլում շրջանառվեց, ես իրենց չեմ տեսել եւ այդ հարցը չեմ քննարկել իրենց հետ: Բայց այնուամենայնիվ գտնում եմ, որ այդ քայլին չպետք է գնան, որովհետեւ իրենք իրապես այն մարդիկ են, որոնք չափազանց մեծ դեր կարող են ունենալ մեր պառլամենտում, ու իրենց դուրս գալը այդքան ճիշտ չէ: Ինչպես պարոն Ջուլֆալակյանի գնալու հետ նույնպես դեռ չեմ հաշտվել:

-Տիկին Հովսեփյան, ըստ Ձեզ պառակտում կա՞ Ձեր խմբակցությունում, թիմում, հատկապես օրենսդիրի եւ գործադիրի միջեւ: Օրենսդիրը համարում է, որ գործադիրը իրեն չի լսում, օրենքները բերում է միաձայն: Կիսո՞ւմ եք այդ դիրք որոշումը:

-Դեպքեր լինում են: Այսինքն լինում է, որ համառում են: Նույնը եղել է նաեւ մեր հանձնաժողովում, բայց մենք շատ հստակ գնացել ենք պնդման դաշտ, որ պետք է հաշվի առնվի մի շարք հանգամանքներ, ինչը նախարարության կողմից ընդունվել է: Երկու նախագծերի մասով ես անմիջական մասնակցություն եմ ունեցել Հանրակրթության մասին օրենքի փոփոխության եւ նախադպրոցականների մասին փոփոխության, որով պետք է անցած տարի, դեռ, ընդունվեր, բայց մեր ջանքերի շնորհիվ շատ երկար ճանապարհ անցավ, մինչեւ ընդունվելը: Ես համարում եմ, որ շատ որակով օրենք դարձավ: Իսկ այն ժամանակ, երբ իրենք պնդում էին, որ պետք է անցնել, դա շատ թերի օրենք էր եւ շատ լուրջ խնդիրների առաջ կկանգնեցներ: Մենք երկար աշխատել ենք, իհարկե շատ ջանքեր մեզանից պահանջվեց աշխատելու վրա, բայց արել ենք սիրով ու պատրաստակամությամբ, քանի որ դրանից շահելու էր ամեն երեխա:

-Ինչպես երեւում է, մյուս հանձաժողովներում այդ համաձայնությունը չկա. գործադիրի հետ համաձայնություն ձեռք չի բերվում: Այդպե՞ս է:

-Խնդիր չեմ տեսնում նաեւ ԱԺ տարածքային կառավարման տեղական ինքնակառավարման գյուղատնտեսության եւ բնապահպանության հարցերի մշտական հանձնաժողովում: Այսինքն տարածքային կառարման նախարարությունը շատ կառուցողական աշխատում է: Դժվարություններ լինում ենտնտեսական հանձնաժողովում, բայց պարոն Թունյանը համագործակցված աշխատում է: Խորքային տարաձայնություններից շատ տեղյակ չեմ, քանի որ ֆիզիկապես էլ հնարավոր չէ մտնել ամբողջ քննարկումների մեջ:

զրուցեց Սոնա Գրիգորյանը