Ազգությամբ եզդի 21-ամյա Արմեն Հասանյանը պատերազմի առաջին իսկ օրից կամավոր մեկնել է ռազմաճակատ: Մեկնել էր Արցախ իր ազգի դարավոր վրեժի կանչով։ ArmLur.am-ը հյուրընկալվել է Արմեն Հասանյանի տանը զրուցել վերջինիս հետ:
Մերօրյա հերոսը անդադար ժպտում է, հաճախ գյումրեցուն բնորոշ կատակներ անում, ասում է, երբ ընկճվում է, հիշում զոհված ընկերներին, պատերազմը, սկսում է միայն մտածել հայրենի հող ու ջրի մասին, եւ բոլոր զգացողությունները մի անգամից փոխվում են:
Մերօրյա հերոսը պատմում է՝ գնացել էր Ապրիլյան քառօրյայում վիրավորում ստացած եղբոր՝ Արթուրի վրեժը լուծելու, որը այսօր երկրորդ կարգի հաշվանդամ է, բայց հպարտ հաշվանդամ, քանի որ այդ վիճակում է հայտնվել հայրենիքը պաշտպանելիս։ Եվ ցավոք Արմենը նույնպես ծանր վիրավորում է ստացել Ջաբրայիլում թեժ մարտերի ժամանակ: Կորցրել է մեկ թեեւը, իսկ մյուսն արդեն իսկ ենթարկվել է բազմակի վիրահատության:
Մշտապես ժպտացող Արմենը մեզ հետ զրույցում վստահեցնում է, որ դեռ ամեն ինչ կորած չէ, պարզապես պետք է պայքարել, հավատալ մեր բազկի ուժին եւ հանուն ապագա սերունդների շարժվել առաջ:
Մանրամասները՝ ArmLur.am-ի տեսանյութում:
Լիդա Եղիազարյան, Հովսեփ Հովսեփյան
.gif)
