ԲԴԽ անդամ Նաիրա Հովսեփյանի հետ ArmLur.am-ը զրուցել է ԲԴխ-ում առկա իրավիճակի մասին, թե ինչու են անդամներն ազատման դիմում գրում եւ արդյոք Ստեփան Միքայելյանի ազատումը կապ ունի այն հանգամանքի հետ, որ ԲԴԽ նախագահ Կարեն Անդրեասյանը ազատվում է Գագիկ Ջհանգիրյանի թիմակից դատավոր անդամներից:
Հիշեցնենք, որ այսօր «Ժողովուրդ» օրաթերթը գրում է. ԲԴԽ-ում կրքերը չեն հանդարտվում:
«Ժողովուրդ» օրաթերթին դատական համակարգից հասած լուրերի համաձայն՝ հաջորդ ազատման դիմում գրողը լինելու է Հակակոռուպցիոն կոմիտեի նախագահ Սասուն Խաչատրյանի եղբայրը՝ Դավիթ Խաչատուրյանը:
Ըստ լուրերի՝ ԲԴԽ նախագահ Կարեն Անդրեասյանն ամեն գնով ցանկանում է հրաժեշտ տալ նախկին պաշտոնակատար Գագիկ Ջհանգիրյանի «թիմակից» համարվող դատավոր կամ գիտնական անդամներին, ու այդ անձանցից մեկը ԲԴԽ դատավոր Ստեփան Միքայելյանն էր, իսկ հաջորդը լինելու է Դավիթ Խաչատուրյանը: Այս ամենը կապված է նաեւ այն որոշումները ստորագրելու հետ, որոնք կայացրել է Գագիկ Ջհանգիրյանը։
«Ժողովուրդ» օրաթերթի հետ զրույցում Հակակոռուպցիոն կոմիտեի նախագահի ԲԴԽ անդամ Դավիթ Խաչատուրյանն ասաց. «Առաջին անգամ ձեզանից եմ լսում այդ մասին: Նման բան չկա, այն որոշումները, որոնք ստորագրել եմ, իմ ներքին համոզմունքով ձեւավորված որոշումներ են, ես ապաքաղաքական մարդ եմ ու հրաժարական էլ չեմ ներկայացնի»: Անդրադառնալով իր եւ Կարեն Անդրեասյանի լարված հարաբերություններին՝ նշեց. «Այդ որ ասում եք՝ լարված, սկզբնական շրջանում աշխատանքային բան է եղել, հիմա հարթվել գնացել է»:
Ք.Մ., Հ.Հ.
Մանրամասները՝ տեսանյութում
.gif)
