Դեկտեմբերի 19-ին Արագածոտնի անտառտնտեսությունից ոստիկանության Աշտարակի բաժին գրություն էր ստացվել կաղնու տարբեր տրամագծի 120 ծառ ապօրինի հատելու մասին:
Այս մասին տեղեկացնում է ՀՀ ոստիկանությունը։
Իրավապահների ձեռնարկած միջոցառումների արդյունքում բաժին են հրավիրել Բյուրական գյուղի չորս բնակչի: Նրանք հայտնել են, որ120 կաղնին էլ իրենք են ապօրինի հատել որպես վառելափայտ օգտագործելու համար:
Ապօրինի հատված ծառերը հայտնաբերվել են: Բյուրականցի չորս տղամարդիկ ներկայացվել են Արագածոտնի մարզային քննչական վարչություն:
.gif)
