Հայաստանի ֆուտբոլի ազգային թիմի պաշտպան Վարազդատ Հարոյանը Կոսովոյի և Չեխիայի հավաքականներին ուժեղ մրցակիցներ է համարում:
Այս մասին լրագրողների հետ հանդիպման ժամանակ ասել է Հարոյանը:
«Դեռ երկու օր է, ինչ միասին հավաքվել ենք: Քննարկել ենք Խորվաթիայի հետ նախորդ խաղը: Վաղվանից պատրաստվելու ենք Կոսովոյի դեմ խաղին: Երկու մրցակիցներն էլ ուժեղ են: Նույն խաղաոճի ֆուտբոլ են խաղում»։
Վերջինիս խոսքով` հավաքական եկած բոլոր ֆուտբոլիստները բարձր տրամադրություն ունեն ընկերական խաղերից առաջ:
Անդրադառնալով Ազգերի լիգայում Հայաստանի ֆուտբոլի ազգային թիմի շանսերին` Հարոյանն ընդգծել է. «Վերջին տարիներն մրցաշրջանի սկզբում խոսում ենք շանսերի մասին, սակայն չէի ուզենա հիմա այդ մասին խոսել: Ամեն խաղի պետք է պատրաստվենք, ինչպես վերջինի, ամեն խաղի պետք է պայքարենք երեք միավորի համար»:
Հայաստանի ֆուտբոլի ազգային թիմը մարտի 22-ին Երևանում կընդունի Կոսովոյի հավաքականին, իսկ մարտի 26-ին արտագնա մրցախաղ կունենա Չեխիայի հետ:
.gif)
