Բացվել է 9 կմ երկարությամբ Զեստափոնի շրջանցիկ ճանապարհը, որը հնարավորություն է տալիս Թբիլիսիից Բաթումի հասնել 3,5 ժամում։
Այս մասին բացման արարողության ժամանակ հայտարարել է Վրաստանի տարածաշրջանային զարգացման և ենթակառուցվածքների նախարար Իրակլի Կարսելաձեն։
«Ցանկանում եմ շնորհավորել շրջանցիկ ճանապարհի բացման կապակցությամբ, սա «դարի նախագիծ» կոչվող մեծ նախագծի՝ Ռիկոտիի մայրուղու կառուցման շատ կարևոր մասն է»,- ասել է նա։
Ռիկոտիի լեռնանցքով անցնող ճանապարհն առանցքային է: Այն միացնում է Արևելյան և Արևմտյան Վրաստանը և հանդիսանում է Արևելք-Արևմուտք միջազգային մայրուղու մի մասը։
Վարչապետ Իրակլի Կոբախիձեի խոսքով՝ Արևելք-Արևմուտք մայրուղին Վրաստանի տարածքով անցնող անդրեվրոպական ցանցի «Միջին միջանցքի» անբաժանելի մասն է։
.gif)
