Բագրատ Սրբազանի Կիրանցից մեկնարկած քայլերթը հասել է Սեւան քաղաք: Սրբազանին այստեղ հավաքվածները դիմավորել են դհոլ զուռնայով, հայրենասիրական երգերով, դրոշներով:
Ճանապարհին ի նշան աաջակցության՝ մեքենաները ազդանշաններով են ողջունում:
Նշենք, որ քայլերթը մեկնարկել է Կիրանց գյուղից: Քայլերթն անցել է Սարիգյուղով, Իջեւանով, շարժման մասնակիցները գիշերել են Հաղարծինի վանքի մոտ:
Քայլերթին է միացել են նաեւ «Ժողովրդավարական համախմբում» կուսակցության առաջնորդ Սուրեն Պետրոսյանը, ԱԺ պատգամավորներ Գառնիկ Դանիելյանը, Արթուր Սարգսյանը, «Հայաքվե» նախաձեռնության անդամներ, 44-օրյա պատերազմում զոհվածների ծնողներ, մշակութային գործիչներ, դերասանուհի Անաիս Սարդարյանը:
Բագրատ Սրբազանը ավելի վաղ հայտարարել էր, որ շարժումը մայիսի 9-ի կեսօրին կհասնի Երեւան եւ կոնկրետ պահանջներ կներկայացնի իշխանությանը:
Շարժման մասնակիցների պահանջն է դադարեցնել իշխանությունների որդեգրած զիջողական քաղաքականությունը եւ միակողմանի զիջումները:
Մանրամասները՝ տեսանյութում:
.gif)
