Ուրանի միջուկային վերամշակման կենտրոնը, որը գտնվում է Սպահան քաղաքի մոտ, կրում է հանրապետության նախագահ Էբրահիմ Ռաիսիի անունը, ով զոհվել է ուղղաթիռի վթարից։ Այս մասին հայտնում է կենտրոնի մամուլի ծառայությունը։
«Ի նշան երկրի միջուկային արդյունաբերության և միջուկային տեխնոլոգիաների զարգացման նկատմամբ նախագահի հատուկ ուշադրության՝ Սպահանի միջուկային գոտին անվանակոչվել է նահատակ Այաթոլլահ Ռաիսիի անունով», – մեջբերում է IRNA-ն։
Ուրանի վերամշակման կենտրոնը գտնվում է Սպահանի մոտ՝ հանրապետության կենտրոնում։ Շենքն ունի մի քանի տասնյակ արտադրամաս և զբաղեցնում է մոտ 60 հա տարածք։ Այն մեծ դեր է խաղում Իրանում միջուկային վառելիքի ստեղծման ցիկլում: 2024 թվականի փետրվարին կենտրոնի տարածքում սկսվել է 10 ՄՎտ հզորությամբ չորրորդ հետազոտական միջուկային ռեակտորի կառուցումը։
.gif)
