Զինծառայողի հայրը որդու սպանության մեջ սպաներին է մեղադրում

Ժամկետային զինծառայող Արման Ղուկասյանի սպանության գործը դեռևս նախաքննության փուլում է: Այս մասին Armlur.am-ին հայտնեց ՊՆ քննչական ծառայության հասարակայնության հետ կապերի վարչության պատասխանատու Մերի Սարգսյանը: Վերջինիս փոխանցմամբ ` հ արուցվել է քրեկան գործ 365 հոդվածի 3-րդ մասով:

«Դեռևս հստակեցված չէ ` ինչ խախտումներ են արվել, ինչ խախտումներ չեն արվել: Գործով ձերբակալվածներ չկան: Ինչ վերաբերում է Վարազդատ Զաքարյանին, ապա գիտենք միայն, որ նրա վիճակը կայուն բավարար է»,- հայտնեց Սարգսյանը `  հավելելով, որ քրեական գործը հարուցվել է այն վարկածի հիման վրա, որ զինվորները շփոթել են իրար թշնամու հետ, սակայն դեռևս հստակ ոչինչ ասել չեն կարող:

Հիշեցնենք, որ մարտի 19-ին ԼՂ-ում հնչել են կրակոցներ, ինչից ժամկետային զինծառայող Արման Ղուկասյանը սպանվել է, իսկ 26-ամյա սպա Վարազդատ Զաքարյանը ՝  վիրավորվել։ Նրան տեղափոխել են Ստեփանակերտի հիվանդանոց։

Armlur.am-ի հետ զրույցում զինծառայողի հայրը `  Արտուշ Ղուկասյանը հայտնեց, որ օրերս իրենք այցելել են զորամաս, որտեղ իրեն հայտնի է դարձել, որ սպանության օրը հերթափոխը ճիշտ չի կատարվել: Ղուկասյանի փոխանցմամբ `  իրեն ոչ ոք հստակ ոչինչ չի ասել `  զինվորներն ասել են, որ իրենց տեղակ չեն պահել, իսկ սպայական անձնակազմն էլ իր հերթին հերքել է `  ասելով, թե տեղյակ է պահել:

«Գնացել և այնտեղ ամեն բան նկարել եմ `  թե խրամատը, թե դիրքերը: Վաշտի հրամանատարն ասում ա `  տեղյակ ենք պահել, զինվորներն էլ ասում են, թե իրանց ոչ մի բանի մասին տեղյակ չեն պահել: Հրամանատարն ասում ա `  գնացել ենք 5 անց կես հաց ենք կերել իրար հետ, կոֆե ենք խմել: Ես հիմա երկու տաբերակ ունեմ `  կամ տեսել են կարսերի վրա աշխատողներ կան, ասել են `  մենք գնանք, կամ էլ `  քնից նոր վեր են կացել, էկել պոստի են կանգնել»,- գնահատեց Ղուկասյանը:

Վերջինիս համոզմամբ `  դեպքի միակ մեղավորներն սպաներն են, քանի որ, Ղուկասյանի խոսքերով, իր որդու մահվան պատճառը սպաների անփույթ աշխատանքն է եղել:

«Չեմ հասկանում `  սպաներն ինչու՞ են էս պահին ազատության մեջ: Զինվորներն իրանց հրահանգներն են անում: Սպան ի՞նչ իրավունք ունի գնա քնի: Բա զինվորն էտ սպայից ի՞նչ պիտի սովորի: Ավելի լավ ա `  իմանամ, որ   տղես թշնամու գնդակից ա մահացել, քան թե իմանամ, որ առաջադրանք կատարելիս ա դեպքը տեղի ունեցել»,- ասաց Ղուկասյանը ` նշելով նաև, որ եթե գործը մինչև վերջ չբացահայտվի, իրենք անպայման կդիմեն նախագահին ու կգնան մինչև վերջ:

Ինչպես հայտնեց զինծառայողի հայրը, զորամասում խրամատները 3 մետր բարձրության վրա են եղել, և ինքը չի հասկանում, թե ինչպե՞ս պետք է զինվորները կարողանան տեսնել թշնամուն: Ղուկասյանը համոզվածէ, որ թշնամու համար շատ հեշտ կլինի գալ և առևանգել զինվորներին:

Տաթև Հարությունյան