ՖՈՏՈ. Ֆիլմերում այն հաճախ «փոխարինում է» Կոլիզեումին. Հռոմեական ամֆիթատրոններ, որոնք անպայման պետք է տեսնել

Հռոմի Կոլիզեումը աշխարհի ամենատպավորիչ ու հզոր կառույցներից մեկն է: Ամեն տարի միլիոնավոր մարդիկ մեկնում են Հռոմ հենց այս հրաշքը տեսնելու համար: Ոմանք այն համարում են ուժի և հաղթանակի մարմնացում, ոմանք էլ այն կապում են մահվան և չարչարանքի հետ:

Եվ անկախ տարբեր տեսակետերից այն բոլոր ժամանակներում եղել է ամենաշատ հետաքրքրություն վայելող պատմամշակութային հուշարձաններից մեկը: Սակայն Կոլիզեումը միակը չէ. աշխարհում ավելի քան 200 նման օվալաձև ամֆիթատրոններ կան, որոնք հաճախ ավելի քան 50 հազար մարդ են տեղավորել:

Առլի ամֆիթատրոն

Ֆրանսիայի հարավային Առլ քաղաքում գտնվող հռոմեական ամֆիթատրոնը կառուցվել է 90 թվականին և հյուրընկալել 20 հազար մարդու, որոնք ներկա են գտնվել կառքերի մրցավազքերի և արյունալի ձեռնամարտերի: Այստեղ ժամանակին անցկացվել են նաև ցլամարտեր, համերգներ և թատերական ներկայացումներ:

1981 թվականին Առլի ամֆիթատրոնը ներառվել է ՅՈՒՆԵՍԿՕ-ի համաշխարհային ժառանգության ցանկում՝ քաղաքի այլ հռոմեական և միջնադարյան շինությունների հետ միասին՝ որպես Առլ հռոմեական և ռոմանական հուշարձանների խմբի մաս։

Քասր ալ Ժամմ ամֆիթատրոն

Այն կառուցվել է մ.թ.ա. 232-ից 238 թվականներին Աֆրիկայի պրոկոնսուլ Մարկոս Գորդիանոսի հրամանով Թունիսի Տիսդրե քաղաքում Կոլիզեյի նմանությամբ: Քաղաքն այժմ կոչվում է Ալ Ժամմ:

Ամֆիթատրոնը տեղավորում է 30 հազար մարդ, որը մեծությամբ երկրորդն է՝ Կոլիզեումից հետո: 1979 թվականին ամֆիթատրոնի մնացորդները ընդգրկվել են ՅՈՒՆԵՍԿՕ-ի համաշխարհային ժառանգության ցանկում:

Հետաքրքիր է այն փաստը, որ ֆիլմերում Կոլիզեումում ընթացող իրադարձությունները հաճախ նկարահանվել են հենց Մարկոս Գորդիանոսի ամֆիթատրոնում, քանի որ վերջինս շատ ավելի ամբողջական է պահպանվել:

Փուլա Արենա

Խորվաթիայում գտնվող հռոմեական ամֆիթատրոնի կառուցման աշխատանքները սկսվել են մ.թ.ա. 27 թվականին և ավարտվել 68 թվականին: Այն պահպանված հռոմեական ամֆիթատրոնների շարքում վեց մեծագույններից է: Այսօր ամֆիթատրոնը վերականգնված է և ծառայում է մշակութային միջոցառումների իրականացմանը: 1932 թվականին իրականացված վերականգնումից և հարմարեցումից հետո այն ունի 7000 նստատեղ և կանգնելու համար նախատեսված տարածքների հետ միասին կարող է ընդունել 12500 մարդու:
Ստորև ներկայացնում ենք 10 լավագույն հռոմեական ամֆիթատրոնները, որոնք պետք է անպայման տեսնել:

Կոլիզեում. Հռոմ, Իտալիա