Վազգեն Խաչիկյանի և մյուսների գործով վկա Լևոն Մինասյանն իր նախաքննական ցուցմունքում նշել է իր ամուսնու կենսաթոշակի մասին:
Այս և մի քանի այլ հարցերի վերաբերյալ գործով պաշտպանները միջնորդություն ներկայացրին դատարանին վկայի նախաքննական ցուցմունքն ամբողջությամբ ընթերցելու մասին` պատճառաբանելով, որ դատաքննական ցուցմունքի և նախաքննականի միջև էական հակասություններ կան:
Հիշեցնենք, որ այսօր Կենտրոն և Նորք-Մարաշ համայնքների ընդհանուր իրավասության դատարանում շարունակվեց Աշխատանքի և սոցիալական հարցերի նախկին աշխատակիցների գործով դատական քննությունը` դատավոր Արշակ Վարդանյանի նախագահությամբ:
Նախքան վկա Մինասյանի նախաքննական ցուցմունքի ընթերցումը, ամբաստանյալ Հովհաննես Գրիգորյանի պաշտպան Արա Զաքարյանը հարց ուղղեց վկային՝ նա ամուսնացած է, և արդյոք նրա հայրը թոշակառու է, թե՝ ոչ:
Վկան ասաց, որ ամուսնացած չէ, և իր հայրը թոշակառու չէ: Հենց այս պատասխաններից ելնելով` միջնորդություն ներկայացվեց վկայի նախաքննական ցուցմունքը ընթերցելու: Այս ցուցմունքից, որը տպագիր տարբերակով էր, պարզ դարձավ, որ վկան այնտեղ խոսել է իր ամուսնու մասին և հայտնել իր հոր` կենսաթոշակ չստանալու մասին: Սակայն վկան հերքեց այս ինֆորմացիան` ասելով, որ ինքն ամուսնացած չէ, այն էլ` տղամարդու հետ: Ինչ վերաբերում է հորը` վկան ասաց, որ նա հաստատ թոշակառու չէ, և հաստատեց, որ ցուցմունքի տակ եղած ստորագրությունը նման է իր ստորագրությանը:
Նշենք նաև, որ այսուհետ Խաչիկյանի և մյուսների գործով դատական նիստերն ընթանալու են յուրաքանչյուր հինգշաբթի:
.gif)
