Չարաշահումների գործով անցնող «ՖԼԵՇ»-ի Բարսեղը Ազգայի ժողովին բենզին է տալու

ArmLur.am-ի տեղեկություններով՝ քաղաքական իշխանությունների թեթեւ ձեռքով՝ իրավապահների դուռը ընկած Բարսեղ Բեգլարյանին պատկանող ընկերությունից ԱԺ-ն բենզին կգնի։

Կառավարությունն իր այսօրվա՝ հոկտեմբերի 3-ի նիստում որոշում կայացրեց, որով առաջարկվում է 2024-ի բյուջեով ԱԺ ընդհանուր հատկացումների հաշվին իրականացնել վերաբաշխում:

Նախատեսվում է 27,4 մլն դրամ հատկացնել բենզին (16,9 մլն դրամի) եւ ձեռքի թղթե սրբիչներ (10,5 մլն դրամի) գնելու համար:

Նշվում է, որ ռեգուլյար տեսակի բենզինի գնման պայմանագիրը կնքվել է «ՖԼԵՇ» ՍՊԸ-ի հետ, որի հիմնադիրը Բարսեղ Բեգլարյանն է։

Նշենք, որ նրան մեղադրանք էր առաջադրվել ՀՀ քրեական օրենսգրքի 38-179-րդ հոդվածի 3-րդ մասի 1-ին կետով՝ պետությունից վատնելու եղանակով առանձնապես խոշոր չափերով գումարի հափշտակության կատարմանը դրդելու համար։

Քնար Մանուկյան