Գորիսի նախկին քաղաքապետ Սամվել Հարությունյանը armlur.am լրատվականի հետ զրույցում ասաց, որ ինքը տեղեկություններ ունի, որ Սուրեն Խաչատրյանի ` Գորիսի շրջանային խորհրդի նախագահի պաշտոնում ընտրվելու ժամանալ եղեl են էական խախտումներ:
Խորհրդի բազմաթիվ անդամներ չեն մասնակցել խորհրդի նիստին` հատկապես գյուղապետերի մեծ մասը:
«Իրեն հատուկ կարգով Սուրեն Խաչատրյանը կարգել է Գորիսի շրջանային խորհրդի նախագահ, իսկ հորեղբոր որդուն` Սասուն Խաչատրյանին կարգել է իր տեղակալ: Սուրեն Խաչատրյանը հավատարիմ է մնում իր մականվանն ու իր էությանը և ամեն ինչ անում է, որ ՀՀԿ-ում պահպանի իր լծակները և դրանք օգտագործի իր անձնական շահերի համար»,- ասաց պրն Հարությունյանը:
Պրն Հարությունյանի խոսքով` նախկին մարզպետը վստահ չէ, որ առաջիկայում կարող է ընտրվել ՀՀԿ Սյունիքի մարզային կառույցի ղեկավար: Նա փորձել է լուրջ խախտումներով պահպանել ՀՀԿ-ի Գորիսի տարածքային կառույցի ղեկավարի պաշտոնը:
-Այսինքն` Սուրեն Խաչատրյանը ցանկանո՞ւմ է վերականգնել իր ազդեցությունը Սյունիքում:
-Անշուշտ, այս առումով Սյունիքի ներկայիս մարզպետ Վահե Հակոբյանի և Սուրեն Խաչատրյանի ջրերը նույն առվով երկար չեն կարող հոսել: Հետևաբար Սյունիքի նախկին մարզպետը շատ կցանկանա ընտրվել ՀՀԿ Սյունիքի տարածքային կառույցի ղեկավար այն դեպքում, երբ այդ նույն ցանկությունը կունենա մարզպետ Վահե Հակոբյանը:
-Չե՞ք բացառում փաստորեն, որ առաջիկայում Սուրեն Խաչատրյանը նորից զբաղեցնի Սյունիքի մարզպետի պաշտոնը:
-Որևէ բան չեմ բացառում:
Սոնա Դավթյան
.gif)
