ՌԴ արտաքին գործերի նախարարությունը մանրամասներ է ներկայացրել Հայաստանի Հանրապետության արտաքին գործերի նախարար Արարատ Միրզոյանի և Ռուսաստանի Դաշնության ԱԳ նախարար Սերգեյ Լավրովի առաջիկա հանդիպումից, որը նախատեսված է հունվարի 21-ին Մոսկվայում։
Նախարարության տարածած հաղորդագրության մեջ ասվում է, որ արտաքին քաղաքականության գերատեսչությունների ղեկավարները մտքերի մանրամասն փոխանակում կանցկացնեն ռուս-հայկական հարաբերությունների ողջ շրջանակի, ԵԱՏՄ-ի և եվրասիական տարածքում ինտեգրացիոն այլ ասոցիացիաների շրջանակում համագործակցության և համաշխարհային օրակարգի արդի հարցերի շուրջ։
«Ուշադրության կենտրոնում է լինելու Հարավային Կովկասում տիրող իրավիճակը՝ Հայաստանի և Ադրբեջանի միջև հավասարակշռված կարգավորման հասնելու նպատակով։ Հուսով ենք, որ առաջիկա հանդիպումը կլինի կառուցողական, կնպաստի համագործակցության գործնական խնդիրների առաջխաղացմանը և կնպաստի Անդրկովկասում անվտանգության և կայունության ամրապնդմանը»,-ընդգծվում է հաղորդագրության տեքստում։
.gif)
