Մայիսի 21-ին Չհոնջինի նավաշինարանում տեղի է ունեցել 5 հազար տոննա ջրատարողությամբ նոր էսկադրային ականակրի ջրարկման արարողությունը։
Ինչպես հաղորդում է Կորեայի կենտրոնական հեռագրական գործակալությունը, Հյուսիսային Կորեայի առաջնորդ Կիմ Չեն Ընը ներկա է եղել արարողությանը։
Էսկադրային ականակրի ջրարկման ժամանակ տեղի է ունեցել լուրջ վթար. անփորձ ղեկավարման և կառավարման մեջ անզգուշության պատճառով չի ապահովվել սայլակի շարժման զուգահեռությունը, ինչի հետևանքով նավի հետնամասի իջեցնող հարմարանքը ժամանակից շուտ դուրս է եկել ստապելից և բախվել արգելքի, խախտվել է նավի հավասարակշռությունը նավի հատակի որոշ մասերի քանդվելու պատճառով, իսկ նավացռուկը չի իջել ստապելից։
Կիմ Չեն Ընը հայտարարել է, որ սա լուրջ վթար և հանցագործություն է, որն առաջացել է անզգուշության և անպատասխանատվության հետևանքով։
Նա ասել է, որ էսկադրային ականակրի շուտափույթ վերականգնումը նախկին տեսքով ոչ թե պարզապես գործնական, այլ քաղաքական հարց է, որն ուղղակիորեն կապված է պետության հեղինակության հետ։
Կիմ Չեն Ընը հանձնարարել է հետաքննել վթարի հանգամանքները։
.gif)
