Ստոկհոլմի հյուսիս-արևելքում ավտոբուսը բախվել է ավտոբուսի կանգառին։ Դեպքի հետևանքով կան զոհեր և վիրավորներ։ Այս մասին հայտնել է Շվեդիայի ոստիկանությունն իր կայքում։
«Ավտոբուսը մի քանի մարդու է վրաերթի ենթարկել Վալհալլավագենում՝ Տեխնիկական համալսարանի մոտ։ Վթարի հետևանքով կան զոհեր և վիրավորներ: Ոստիկանությունը դեռևս չի հրապարակել տուժածների թիվը, սեռը կամ տարիքը», – ասվում է հայտարարության մեջ։
Իրավապահ մարմինների աշխատակիցները միջադեպը որակել են որպես անզգուշությամբ կատարված սպանություն ծանրացնող հանգամանքներով։
Փրկարարական ծառայությունները ներկայումս աշխատում են դեպքի վայրում՝ պարզելով միջադեպի պատճառները։
.gif)
